ئه‌مرِۆ دووشه‌ممه‌23/4 له‌ رۆژی جیهانی كتێبدا له‌ژێر چاودێری (فه‌له‌كه‌دین كاكه‌یی) وه‌زیری رۆشنبیری حومه‌تی هه‌رێمی كوردستان به‌ هاوكاری كتێبخانه‌ی گشتی هه‌ولێر و دیوانی جیهانی كتێب پێشانگای (دیوانی جیهانی كتێب) له‌ هۆڵی كتێبخانه‌ی گشتی هه‌ولێر كرایه‌وه‌.
له‌م پێشانگایه‌دا ناونیشانی 4000 كتێب له‌ بواره‌ جیاجیاكاندا به‌ زمانی (كوردی و فارسی) به‌ رێژه‌ی داشكاندنی 20% نمایشكرابوو.
د.جه‌رجیس گولی زاده‌ سه‌رپه‌رشتیاری پێشانگاكه‌ له‌ لێدوانێكی به‌ ئاژانسی په‌یامنێری راگه‌یاند "پێشانگاكه‌مان كۆمه‌ڵێك شتی جیاوازی تێدایه‌ كه‌ بۆ یه‌كه‌م جاره‌ له‌ كوردستان ده‌خرێته‌ به‌ر ده‌ستی خوێنه‌ران، له‌وانه‌ش نه‌خشه‌ی كوردستانه‌ كه‌ له‌ سه‌رده‌می عوسمانیه‌كاندا له‌ساڵی 1893 نه‌خشكراوه‌".
هه‌روه‌ها گوتی "ئه‌م نه‌خشه‌یه‌ وه‌كو دیكۆمێنتێكی فه‌ره‌می هه‌ژمار ده‌كرێت و چه‌ند كتێبێك كه‌ بۆ یه‌كه‌مجاره‌ چاپكراوه‌ و له‌م پێشانگایه‌ نمایشكراوه‌".
ئه‌م پێشانگایه‌ جگه‌ له‌ كتێب چه‌ندین پۆسته‌ر و كاسێت و سیدی و دیڤی دی له‌خۆگرتبوو و بۆ ماوه‌ی هه‌شت رۆژ به‌رده‌وامده‌بێت.